„ხაზინამ კომერციულ ბანკებზე გასესხებული ფულიდან კვირის დასაწყისში 50 მილიონი ლარი უკან დაიბრუნა და ეს ლარის კურსსაც მყისიერად დაეტყო, მაგრამ რად გინდა? - დღეს ეროვნულმა ბანკმა 100 მილიონი ლარით მეტი მიასესხა კომერციულ ბანკებს, ვიდრე წინა კვირას. ეს კიდევ ერთხელ ადასტურებს იმ ფაქტს, რომ მთავრობამ და ეროვნულმა ბანკმა კომერციული ბანკები „ნარკოტიკულ ნემსზე“ დასვეს. მათ მხარდაჭერის გარეშე ბანკები „ფულის შიმშილს“ განიცდიან, - წერს „ფეისბუკში“ „ნაციონალური მოძრაობის წევრი, დეპუტატი რომან გოცირიძე.

მისივე თქმით, თვის ბოლომდე ბიუჯეტიდან 1,7 მილიარდი ლარია გასაცემი, ორჯერ მეტი, ვიდრე საშუალოდ თვეში იხარჯებოდა.

„აქედან ძალიან ბევრი არის დეფიციტის დაფინანსების წყაროებიდან. ეს არის ფულის ზვავი, რომელსაც შეკავება სჭირდება. მთავრობა და ეროვნული ბანკი სირაქლემას პოზაში არის გატრუნული. ასე იქნებიან, სანამ ვინმე არ მივა და უკან მაგრად არ ამოარტყამს,“ - წერს გოცირიძე.