ერაყსა და სირიაში მოქმედი საერთაშორისო ძალები, რომელთაც აშშ მეთაურობს გააგრძელებს მისთვის დასახული ამოცანების შესრულებას ევფრატის აღმოსავლეთ რეგიონში, მიუხედავად იმის, თუ რას მოიმოქმედებს რუსეთი. ამის შესახებ კოალიციის ძალთა სარდლობის მეტაურმა რაიან დილონმა განაცხადა.

შეგახსენებთ, რომ 6 დეკემბერს რუსეთის თავდაცვის მინისტრმა სერგეი შოიგუმ განაცხადა, რომ სირიაში "ისლამური სახელმწიფო" სრულიად განადგურებულია.

თუმცა, კოალიციის სარდლობა აცხადებს, რომ ტერორისტები მცირე ჯგუფებით ევფრატის გადალახვა მოახერხეს და მის აღმოსავლეთით გადმოვიდნენ.

დილონი აცხადებს, რომ იგი არ ერევა პოლიტიკურ პროცესებში, მაგრამ მიაჩნია, რომ რუსეთის არმიის სირიის ტერიტორიაზე ყოფნის გარეშე ასადი ვერც ტერორისტებს დაამარცხებდა და ვერც ხელისუფლებას შეინარჩუნებს.

მას ასევე მიაჩნია, რომ ISIS-ზე საბოლოო გამარჯვების შესახებ საუბარი ნაადრევია. მართალია მან დაკარგა კონტროლირებადი ტერიტორიები, მაგრამ ტერორისტები გაფანტული არიან და ჯერ კიდევ საფრთხეს წარმოადგენენ მშვიდობიანი მოსახლეობისათვის. აუცილებელია მთი გამოვლენა და განადგურება, რაც სამწუხაროდ, უცებ ვერ მოხდება.