ბრიტანელი ამანდა ლიბერთი, ჭაღებთან „ღია ურთიერთობაშია“, აცხადებს, რომ ერთ-ერთ მათგანზე დაინიშნა.

Daily Mail-ის ცნობით, 33 წლის ამანდა ქალაქ ლიდსში ცხოვრობს.

ჭაღი, რომელსაც ლუმიერი დაარქვა, მან eBay-ზე 400 ფუნტად შეიძინა. მისი თქმით, ეს ერთი ნახვით შეყვარება იყო.

მის კოლექციაში სულ 25 ჭაღია. ამანდა აცხადებს, რომ ლუმიერთან დაოჯახებისთვის მზადაა, თუმცა საკუთარი კოლექციის სხვა ნივთებთან თავისუფალი ურთიერთობების დათმობას არ აპირებს.

ამანდას თქმით, პირველად ნივთი 14 წლის ასაკშო შეუყვარდა და ეს დასარტყამი ინსტრუმენტი იყო. მოგვიანებით მას გრძონა გაუჩნდა თავისუფლების ქანდაკების მიმართ, ამიტომაც გვარი გადაიკეთა და ლიბერთი გახდა.