"ტრამპმა თავისი გადაწყვეტილებით ჯოჯოხეთის კარიბჭე გააღო"

"ტრამპმა თავისი გადაწყვეტილებით ჯოჯოხეთის კარიბჭე გააღო" - "ჰამასი"

მსოფლიო - 23:12, 06 Dec, 2017

4530

პალესტინის სუნიტური-ისლამისტური ფუნდამენტალური მოძრაობა, "ჰამასი" აცხადებს, რომ აშშ-ის პრეზიდენტის მიერ იერუსალიმის ისრაელის დედაქალაქად გამოცხადებით, მან "ჯოჯოხეთის კარიბჭე გააღო."
როგორც გამოცემა Independent იტყობინება, ამის შესახებ დაჯგუფების მიერ გავრცელებულ განცხადებაშია ნათქვამი.
"იერუსალიმის შესახებ ტრამპის გადაწყვეტილება არ ცვლის იმ ფატს, რომ იერუსალიმი არაბი მუსლიმების მიწაა" - ნათქვამია განცხადებაში.

რამდენიმე წუთის წინ ცნობილი გახდა, რომ დონალდ ტრამპმა ისრაელის დედაქალაქად იერუსალიმი აღიარა და საელჩოს თელ-ავივიდან იერუსლიმში გადატანის ბრძანება უკვე გასცა.

იერუსალიმის ისრაელის დედაქალაქად აღიარება დონალდ ტრამპის ერთ-ერთი წინასაარჩევნო დაპირება იყო.

აღსანიშნავია, რომ საელჩოს თელ-ავივიდან იერუსალიმში გადატანის გადაწყვეტილება აშშ-ის კონგრესმა 1995 წელს მიიღო. თუმცა ამ ქალაქის სადავო სტატუსის გამო, აშშ-ის ყველა პრეზიდენტი ექვს თვეში ერთხელ ხელს აწერდა დოკუმენტს, ამ გადაწყვეტილების ძალაში შესვლის გადავადების შესახებ.

იერუსალიმის სტატუსის გამო, პალესტინა-ისრაელს შორის არსებული დავის გამო, საერთაშორისო ორგანიზაციები და საელჩოები თელ-ავივშია განთავსებული.

ისრაელი იერუსალიმს საკუთარ დედაქალაქად მიიჩნევს. პალესტინელები კი იერუსალიმს მათი მომავალი სახელმწიფოს დედაქალაქია.

აღსანიშნავია, რომ იერუალიმის დასავლეთ ნაწილს ისრაელის ნაწილად მხოლოდ რუსეთი აღიარებს, რომელმაც ეს გადაწყვეტილება მიმდინარე წელს მიიღო.