აშშ-ის პრეზიდენტმა დონალდ ტრამპმა იერუსალიმი ისრაელის დედაქალაქად აღიარა.

ამის შესახებ ტრამპმა ცოტა ხნის წინ გამართულ ბრიფინგზე განაცხადა.

„დროა, ოფიციალურად ვაღიაროთ იერუსალიმი ისრაელის დედაქალაქად” - განაცხადა ტრამპმა.

იერუსალიმის ისრაელის დედაქალაქად აღიარება დონალდ ტრამპის ერთ-ერთი წინასაარჩევნო დაპირება იყო. აშშ-ის პრეზიდენტმა საელჩოს თელ-ავივიდან იერუსლიმში გადატანის ბრძანება უკვე გასცა.

აღსანიშნავია, რომ საელჩოს თელ-ავივიდან იერუსალიმში გადატანის გადაწყვეტილება აშშ-ის კონგრესმა 1995 წელს მიიღო. თუმცა ამ ქალაქის სადავო სტატუსის გამო, აშშ-ის ყველა პრეზიდენტი ექვს თვეში ერთხელ ხელს აწერდა დოკუმენტს, ამ გადაწყვეტილების ძალაში შესვლის გადავადების შესახებ.

იერუსალიმის სტატუსის გამო, პალესტინა-ისრაელს შორის არსებული დავის გამო, საერთაშორისო ორგანიზაციები და საელჩოები თელ-ავივშია განთავსებული.

ისრაელი იერუსალიმს საკუთარ დედაქალაქად მიიჩნევს. პალესტინელები კი იერუსალიმს მათი მომავალი სახელმწიფოს დედაქალაქია.

აღსანიშნავია, რომ იერუალიმის დასავლეთ ნაწილს ისრაელის ნაწილად მხოლოდ რუსეთი აღიარებს, რომელმაც ეს გადაწყვეტილება მიმდინარე წელს მიიღო.