უკრაინაში მიმდინარე მოვლენებზე „დიდი შვიდეულის“ ქვეყნების ელჩები განცხადებას ავრცელებენ. განცხადება, უკრაინაში იტალიის საელჩოს ვებგვერდზე გამოქვეყნდა.

„ჩვენ ვიცით, რომ ბატონი სააკაშვილი დააკავეს და მიმდინარეობს საპროტესტო აქციები. ყურადღებით ვადევნებთ თვალს მოვლენების განვითარებას.

მოვუწოდებთ ყველას, პატივი სცენ და მხარი დაუჭირონ უკრაინის კონსტიტუციურ და სამართლებრივ წესრიგს, დაიცვან მშვიდობიანი პროტესტის უფლება და თავი შეიკავონ დესტაბილიზაციის ნებისმიერი მცდელობისგან.

ჩვენ ასევე ველით, რომ ნებისმიერი გამოძიება ჩატარდება დაჩქარებულად და უკრაინის სამართლებრივი ვალდებულებების შესაბამისად“ - ნათქვამია განცხადებაში.