კომიტეტის წევრებმა დამსწრე საზოგადოებას ამ ნარკოტიკული საშუალების უარყოფითი თვისებები და შესაძლო ფატალური შედეგები გააცნეს.

დისკუსიაში მონაწილეობდნენ არასამთავრობო ორგანიზაცია "ახალი ვექტორის" წარმომადგენლები: პაატა ფორჩხიძე, ირინა ნატროშვილი, გიორგი მჭედლიშვილი და ორგანიზაცია "ალტერნატივა ჯორჯიას" მკვლევარი - ირმა კირთაძე. ექსპერტებმა საქართველოში არსებული მდგომარეობა და პრობლემიდან გამოსავლის გზები შეაფასეს. ღონისძიებაში ყოფილი ნარკო-მომხმარებლები მონაწილეობდნენ, მათ დამსწრე საზოგადოებას საკუთარი ისტორია და გამოცდილება გაუზიარეს.

აღსანიშნავია, რომ საქართველოს ახალგაზრდული პარლამენტი აქტიურად თანამშრომლობს ჯანდაცვის სამინისტროსთან. სადისკუსიო თემა ჯანდაცვის მინისტრის მოადგილესთან - მარიამ ჯაშთან კონსულტაციების შედეგად შემუშავდა.