უკრაინის უშიშროების სამსახურმა დაადასტურა , რომ მიხეილ სააკაშვილის სახლში ჩხრეკა მიმდინარეობს. ამისდ შესახებ „ინტერფაქს უკრაინა“ იტყობინება.

უშიშროების სამსახურის პრესმდივნის ელენა გიტლიანსკაიას თქმით, უშიშროების სამსახურის თანამშრომლები გენერალური პროკურატურაში წარმოებული გამოძიების ფარგლებში მოქმედებენ. ამასთან მას კონკრეტულად სისხლის სამართლის საქმე არ დაუსახელებია. „ინტერფაქს უკრაინას“ ცნობით საქმე წინა ხელისუფლების წარმომადგენელს ეხება, თუმცა „უკრაინსკაია პრავდას“ ცნობით, საქმე უკავშირდება იმ პოლიტიკოსებს, რომლებიც შესაძლოა სააკაშვილის აქციებს აფინანსებდნენ.