,,თურქიშ ეარლაინში" კი აცხადებენ, რომ ჭირისუფლებთან შეხვედრას მხოლოდ ორშაბათისთვის გეგმავენ, ოჯახის წევრებს უკვე გაესაუბრნენ პოლიციის წარმომადგენლები.

,,მიცვალებული დაგვეკარგა გზაში", - აცხადებდნენ ოჯახის წევრები. ჭირისუფლებმა პოლიცია მას შემდეგ გამოიძახეს, რაც თბილისის საერთაშორისო აეროპორტში პასუხი ვერ მიიღეს. ცხედარი სანკტ-პეტერბურგიდან უნდა ჩამოესვენებინათ. 41 წლის მამაკაცის ცხედარი გუშინ ჯერ სტამბულში, მოგვიანებით კი თბილისში უნდა ჩამოესვენებინათ.

,,არავისთან საქმე არ მაქვს, არავინ არ არის წარმომადგენელი, რომ გავიგო სად არის ჩემი მკვდარი", -აცხადებს მალხაზ ნონიაძის დედა დოდო კაკულია.

ოჯახის წევრების კითხვას პასუხს არ სცემდნენ დღის განმავლობაში ,,თურქიშ ეარლაინის" წარმომადგენლები, რომლებაც მოგვიანებით, აეროპორტში წარმომადგენლობის ჯიხური საერთოდ დაკეტეს.

,,კომპანია ისვენებს და ამიტომ დავტოვეთ უპასუხოდ. ორშაბათიდან შევეხმიანებით, ცხედრის პოვნის საკითხი მოგვარებადი", - აცხადებს თურქული მხარე.