სიახლე „სამედიცინო კორპორაცია ევექსში“ დიაბეტის მქონე საქართველოს მოქალაქეებისათვის

ჯანმრთელობა - 15:23, 04 Dec, 2017

2248

“სამედიცინო კორპორაცია ევექსი” დიაბეტის მართვის პროგრამის სპეციალიზირებული ამბულატორიული დახმარების კომპონენტში ჩაერთო, რაც დიაბეტის მქონე პირებისათვის გარკვეული კვლევების თანადაფინანსებას გულისხმობს.

პროგრამა გულისხმობს შაქრიანი (ინსულინმომხმარებელი, არაინსულინმომხმარებელი) დიაბეტით დაავადებულ პაციენტებში ექიმ-ენდოკრინოლოგის მეთვალყურეობით მედიკამენტის დოზის კორექციას, ასევე პროგრამის მოსარგებლეების შესაბამის სამედიცინო განათლებას. პროგრამის ფარგლებში პაციენტებს საჭიროებისამებრ ჩაუტარდებათ ნევროპათოლოგის, კარდიოლოგის, ოფთალმოლოგის და ანგიოლოგის კონსულტაციები, ასევე კლინიკო-ლაბორატორიულ გამოკვლევები:

გლუკოზის განსაზღვრა სისხლში, არანაკლებ 6 ერთეულისა ერთ პაციენტზე;

გლიკოჰემოგლობინის განსაზღვრა;

კრეატინინის და/ან შარდოვანას განსაზღვრა სისხლში;

მიკროალბუმინურიის კვლევა;

სისხლის საერთო ანალიზი;

შარდის საერთო ანალიზი;

С- პეპტიდი;

ჰომა - 2-ის ინდექსი;

ე.კ.გ;

პროგრამა ასევე ითვალისწინებს უშაქრო დიაბეტით დაავადებულ პაციენტებში ექიმ-ენდოკრინოლოგის დანიშნულების შესაბამისად ნევროპათოლოგის და ოფთალმოლოგის კონსულტაციას და კლინიკო-ლაბორატორიულ გამოკვლევებს:

სისხლის საერთო ანალიზი

თავის ქალის რენტგენოგრაფია

თვალის ფსკერისა და მხედველობის ველის გამოკვლევა

გლუკოზის განსაზღვრა სისხლში უზმოდ და ჭამის შემდეგ

შარდის საერთო ანალიზი (არანაკლებ 2 ერთეულისა)

ზიმნიცკის სინჯი (არანაკლებ 2 ერთეულისა)

ელექტროლიტების - Na, К - განსაზღვრა სისხლში

„სამედიცინო კორპორაცია ევექსი“ დიაბეტის მქონე პირებს აღნიშნული პროგრამით იმერეთის, სამეგრელოს, აჭარის და კახეთის შემდეგ სამედიცინო ცენტრებში მოემსახურება:

წმ. ნიკოლოზის სახელობის ქირურგიული ცენტრი მის: პ.იაშვილის № 9

ქუთაისის რეფერალურ ჰოსპიტალში მის: ოცხელის N2

ზუგდიდის რეფერალური ჰოსპიტალი მის: გამსახურდიას №206

ქობულეთის რეფერალურ ჰოსპიტალში მის: მემედ აბაშიძის №18;

თელავის რეფერალური ჰოსპიტალი მის: ვ. სეხნიაშვილის №1

დაწვრილებითი ინფორმაციისათვის დაუკავშირდით სამედიცინო კორპორაცია ევექსის ცხელ ხაზს: 2 55 05 05, *05 05