ეგვიპტელი იურისტი, რომელმაც მამაკაცებს ჯინსებიანი ქალების გაუპატიურებისკენ მოუწოდა, დააპატიმრეს. მას ციხეში სამი წლის გატარება მოუწევს.

გარდა ამისა, ნაბიჰ ალ ვაში , ჯარიმის სახით 20 000 ეგვიპტურ ფუნტს გადაიხდის.

საქმე ეხება მის განცხადებას, რომელიც ოქტომბერში ერთ-ერთ სატელევიზიო შოუში გააკეა. მისი თქმით, მამაკაცების პატრიოტული მოვალეობაა, გააუპატიურონ ქალი, თუკი მას დახეული ჯინსი აცვია.

"მოგწონთ, როდესაც ხედავთ, რომ ქუჩაში გოგონას ნახევარი სხეული უჩანს? მე ვამბობ, რომ როდესაც გოგონა ასე ჩნდება საჯაროდ, მამაკაცების პატრიოტული მოვალეობაა მას სექსუალური შეურაცხყოფა მიაყენოს და ეროვნული ვალდებულებაა, მისი გაუპატიურება," - განაცხადა იურისტმა.

აღსანიშნავია, რომ ეს ადვოკატის პირველი ხმაურიანი განცხადება არ ყოფილა. ერთერთ გამოსვლაში მან ჰოლოკოსტს "წარმოსახვითი" უწოდა და დასძინა, რომ ამაყობს ანტისემიტიზმით.

"თუკი სადმე ებრაელი შემხვდება, მოვკლავ" - აღნიშნა ადვოკატმა.