ავღანეთის პრეზიდენტი აშრაფ ღანი ბოდიშს უხდის ქალებს იმ განცხადების გამო, რომელიც ქალის ტრადიციულ თავსაბურავზე გააკეთა.

შეგახსენებთ, აშრაფ ღანი გამოეხმაურა ინფორმაციას, იმის შესახებ, რომ რამდენიმე ჩინოსანს ტერორისტულ დაჯგიფება "ისლამურ სახელმწიფოსთან" კავშირში ედება ბრალი. მისი თქმით, ვინც ამ ბრალდებაზე ლაპარაკობს შესაბამისი მტკიცებულებები უნდა წარადგინოს ან "დაიხუროს ქალის თავსაბურავი" და გაჩუმდეს.

პრეზიდენტის განცხადება სექსისტურად მიიჩნიეს და მას ბოდიშის მოხდა მოუწია.

ღანის ადმინისტრაციის განცხადებით, ავღანეთის პრეზიდენტი ქალთა უფლებების დამცველია და საზოგადოებაში ქალების უფლებების გაძლიერების მიზნით, არერთი მნიშვნელოვანი ნაბიჯი გადაუდგამს.