ბელგიის სასამართლო კატალონიის ყოფილი ლიდერის კარლეს პუიჩდემონის ექსტრადიციის საკითხს დღეს განიხილავს.

კატალონიის ყოფილი პრეზიდენტის გარდა, დღევანდელ გადაწყვეტილებას მთავრობის კიდევ ოთხი ყოფილი მინისტრი ელოდება.

ესპანეთის სასამართლო კოლეგიამ კატალონიის მთავრობის 8 ყოფილ მაღალჩინოსანს პატიმრობა 2 ნოემბერს შეუფარდა. მათ ბრალად ამბოხი და საბიუჯეტო სახსრების გაფლანგვა ედებათ.

ესპანეთის მთავრობისა და საკონსტიტუციო სასამართლოს მიერ არაკანონიერად ცნობის მიუხედავად, 1 ოქტომბერს კატალონიაში დამოუკიდებლობისადმი მიძღვნილი რეფერენდუმი ჩატარდა. ხმის მიცემა ესპანურ პოლიციასთან დაპირიპირებისა და შეტაკებების ფონზე მიმდინარეობდა. ოფიციალური მონაცემების თანახმად, რეგიონის დამოუკიდებლობას მხარი მოსახლეობის 90%-მა დაუჭირა, წინააღმდეგი წავიდა, თითქმის, 8%. 11 ოქტომბერს კარლეს პუჩ-დემონმა კატალონიის დამოუკიდებლობის დეკლარაციას ხელი მოაწერა.

ესპანეთის ხელისუფლება კატალონიის რეფერენდუმს თავიდანვე არ აღიარებდა.

დამოუკიდებლობის გამოცხადებიდან ერთ საათში, ესპანეთის სენატმა გადაწყვიტა, რომ კონსტიტუციის 155-ე მუხლი აემოქმედებინა, რაც ბარსელონის ხელისუფლების მადრიდზე დაქვემდებარებას გულისხმობს. შესაბამისად, რეგიონის ავტონომიის გაუქმებას.

8 ნოემბერს, ესპანეთის საკონსტიტუციო სასამართლომ კატალონიის დამოუკიდებლობის რეზოლუცია უკანონოდ ცნო.

ვადამდელი საპარლამენტო არჩევნები კატალონიაში 21 დეკემბერს გაიმართება, რის შემდეგაც დეპუტატები ახალ რეგიონულ მთავრობას დანიშნავენ.