თუ რადა იმპიჩმენტის კანონს არ მიიღებს, პოროშენკოს სამსახურში არ შევუშვებთ

თუ რადა იმპიჩმენტის კანონს არ მიიღებს, პოროშენკოს სამსახურში არ შევუშვებთ - მიხეილ სააკაშვილი

მსოფლიო - 18:20, 03 Dec, 2017

3556

"ახალ ძალთა მოძრაობის" ლიდერმა მიხეილ სააკაშვილმა დღეს ევროპის მოედანზე გამართულ მიტინგზე განაცხადა, რომ თუ მომავალი კვირის განმავლობაში უკრაინის რადა "იმპიჩმენტის სესახებ კანონს" არ მიიღებს, მომიტინგეები 10 დეკემბერს "მაიდანზე" შეიკრიბებიან და პრეზიდენტ პეტრო პოროშენკოს პრეზიდენტის რეზიდენციაში შესვლის უფლებას არ მისცემენ.

"მე მოგიოდებთ, არ ველოდოთ კიდევ 25 წელი, ოლიგარქის დიქტატურა მოვიშოროთ და უკრაინაში, თავისუფლების პირობებში, საშუალო კლასის დიქტატურა დავამყაროთ. დატაცებული ქონებით გაქცევის უფლებას ჩვენ მათ არ მივცემთ.ჩვენ ვიცით მათი ანგარიშის ნომრები, მათი სახლების მისამართები და ყველას მივაკითხავთ, ყველას მოვკითხავთ, რატომ გვძარცვავდნენ და როდის დააბრუნებენ ნაძარცვს. მე არ ვარ კომუნისტი, მაგრამ ოლიგარქებს მოპარული ქონება უნდა წავართვათ. ეს დასაწყისია. რევოლუციის ნაცვლად ჩვენ იმპიჩმენტი გვჭირდება," - აცხადებს სააკაშვილი.

სააკაშვილმა განაცხადა, რომ პარლამენტარებს სასესიო კვირა აქვთ, რაც მათ იმის შანსს აძლევს, რომ იმპიჩმენტისა და ანტიკორუფციული სასამართლოს შესახებ კანონები მიიღონ, თუმცა მას ამის იმედი არ აქვს, სამაგიეროდ აქვს ხალხის ძალის იმედი.

"ჩვენ დღეს ხუთჯერ იმაზე მეტნი ვართ ვიდრე წინა კვირას. მომავალ კვირას მაიდანზე ასიათასობით უკრაინელი შეიკრიბება. მე არ მოგიწოდებთ კარვების დადგმისა და კიევის ცენტრის პარალიზებისაკენ, ხქალხს ისედაც ბევრი პრობლემა აქვს. ჩვენ ცოტათი ზემოთ გადავინაცვლებთ და პრეზიდენტს სამუშაო ადგილზე არ შევუშვებთ," - აცხადებს სააკაშვილი.

მან ასევე მოუწოდა მოსახლეობას, რომ იმ შემთხვევაში თუ მას უკრაინიდან გაიყვანენ, მაინც შეიკრიბონ და ოლიგარქები გაიყვანონ კაბინეტებიდან.