სტამბოლის აეროპორტის ტერაქტის სულისჩამდგმელი საქართველოში მოკლეს

ამ სათაურით ავქეყნებს სტატიას თურქული გამოცემა Anadolu.

როგორც სააგენტო იტყობინება, საქართველოს უსაფრთხოების სამსახურმა დაადასტურა, რომ თბილისში, 22 ნოემბერს ჩატარებული კონტრტერორისტული ოპერაციის დროს მოკლულ სამ ეჭვმიტანილს შორის , წარმოშობით ჩეჩენი, რუსეთის მოქალაქე ახმედ ჩატაევი იყო.

Anadolu-ს თანახმად, თურქეთის ხელისუფლებამ 37 წლის ჩატაევი 2016 წლის 28 ივნისს, ათათურქის აეროპორტზე ISIS-სთან დაკავშირებული თავდასხმის ორგანიზატორად დაასახელა. მაშინ, ასაფეთქებელი მოწყობილობებითა და ცეცხსლასროლი იარაღით მოწყობილ თავდასხმას 46 ადამიანი ემსხვერპლა.