ამერიკელი ჟურნალისტები შესაძლოა, რუსეთის დუმაში არ შეუშვან

მსოფლიო - 15:04, 01 Dec, 2017

1551

ორშაბათს, რუსეთის დუმის წარმომადგენელთა პალატა ამერიკული მედიასაშუალებებისათვის აკრედიტაციის გაუქმების კანონპროექტი შევა განსახილველად. ოთხშაბათს მას პარლამენტის ქვედა პალატა განიხილავს.

კანონპროექტის მიღების შემდეგ დუმა გამოსცემს რეკომენდაციას, რომ ანალოგიური ზომები რეგიონების საკანონმდებლო ორგანოებმაც მიიღონ.

დუმაში პირდაპირ აცხადებენ, რომ ეს არის აშშ-ის კონგრესში RT-ს აკრედიტაციის გაუქმების საპასუხო ნაბიჯი.

შეგახსენებთ, რუსული ტელეკომპანია RT-ის ჟურნალისტებს ამერიკის შეერთებული შტატების კონგრესში აკრედიტაცია გაუუქმეს. ამის შესახებ ნათქვამია წერილში, რომელიც ტელეკომპანიამ მიიღო.

წარმომადგენელთა პალატის კომიტეტის განცხადებაში აღნიშნულია, რომ უცხო ქვეყნის მთავრობის წარმომადგენლებსა და აგენტებს აკრედიტაციის უფლება არ აქვთ და მათ საშვები უნდა დააბრუნონ. შესაბამისად, RT-ს აკრედიტაციების გაუქმების მოტივად, მისი „უცხოელ აგენტად“ რეგისტრაცია დასახელდა.

წერილში ასევე, ნათქვამია, რომ ეს გადაწყვეტილება 21 ნოემბერს გამართული ფარული კენჭსიყრის საფუძველზე მიიღეს.
2017 წლის 10 ნოემბერს ამერიკის შეერთებული შტატების იუსტიციის დეპარტამენტში რუსული ტელეკომპანია RT უცხო ქვეყნის აგენტად დაარეგისტრირეს.