პრინც ჰარიზე დაქორწინების მიუხედავად, მეგან მარკლი პრინცესა მაინც ვერ გახდება

ეს საინტერესოა - 14:55, 01 Dec, 2017

13459

ბოლო დღეებია, მსოფლიო, ბრიტანეთის სამეფო ოჯახის ახალგაზრდა წარმომადგელის, 33 წლის პრინცი ჰარისა და 36 წლის ამერიკელი მსახიობის, მეგან მარკლის ნიშნობას განიხილავს.

ნიშნობის გამოცხადების შემდეგ წყვილმა პირველი ერთობლივი ინტერვიუც მისცა. ცნობილია, რომ ქორწილი მომავალი წლის გაზაფხულზე გაიმართება.

თუმცა, პრინცზე ქორწინების მიუხედავად მეგანს პრინცესას ტიტული არ ექნება.

ბრიტანეთის სამეფო პროტოკოლის თანახმად, ქალი , რომელსაც „სამეფო სისხლი“ არ აქვს, პრინცესა გახდება. შესაბამისად, მას პრინცესა მეგანს არ დაუძახებენ, ისევე როგორც პრინცი უილიამის მეუღლეს, ჰერცოგინია ქეით მიდლტონს.

ცნობილი გახდა ისიც, რომ მეგანმა სამსახიობო კარიერაზე უარი თქვა, კონკრეტულად, მან დატოვა სერიალი Suits-ი, რომლის წყალობითაც მოიპოვა პოპულარობა.

ამჯერად, ცნობილი გახდა, რომ სამეფო ქორწილამდე მეგანს სარწმუნოებისა და მოქალაქეობის შეცვლა მოუწევს.

პრინცი ჰარისა და მეგანის რომანის შესახებ ცნობილი 2016 წლის ოქტომბერში გახდა.

პრინცი ჰარის ახალი რჩეულის ვინაობის გაგებისთანავე, ტაბლოიდები მსახიობის ცხოვრების თითქმის ყველა დეტალზე წერდნენ. დაიწერა ისიც, რომ მეგანის ფერადკანიანი დედის გამო, სამეფო ოჯახი მას არ მიიღებდა.

ამ ფაქტის შემდეგ სამეფო ოჯახმა წერილი გამოაქვეყნა და პრინცი ჰარისა და მეგან მარკლის რომანი ოფიციალურად დაადასტურა. სამეფო ოჯახის განცხადებაში ნათქვამი იყო, რომ პრინცი ჰარი ძალიან შეწუხებული და იმედგაცრუებულია მედიის მიერ მის მარკლის პირადი სივრცის ხელყოფით და იმით, რომ პრინცი მის დაცვას ვერ ახერხებს.

მიმდინარე წლის 27 ნოემბერს კი სამეფო ოჯახმა ოფიციალური განცხადება გაავრცელა, რომ ჰარი და მეგანი დაინიშნენ და ქორწილი გაზაფხულზე გაიმართება.