თეთრი სახლი აშშ-ის სახელმწიფო მდივნის გადადგომის შესახებ გავრცელებულ ინფორმაციას უარყოფს

მსოფლიო - 12:09, 01 Dec, 2017

1529

თეთრ სახლი , აშშ-ის სახელმწიფო მდივნის პოსტიდან რექს ტილერსონის შესაძლო გადაყენების შესახებ გავრცელებულ ცნობას უარყოფს. დონალდ ტრამპის პრესსპიკერის სარა სანდერსის თქმით, ტილერსონი განაგრძობს სახელმწიფო დეპარტამენტის ხელმძღვანელობას.

შეგახსენებთ, ამჯერად, გავლენიანი ამერიკული გამოცემა The New York Times წერს, რექს ტილერსონის გათავისუფლება და მის ნაცვალდ, აშშ-ის ცენტრალური სადაზვერვო სამმართველოს (CIA) დირექტორის, მაიკ პომპეოს დანიშვნა იგეგმება.

გამოცემის ინფორმაციით, დაზვერვის სამმართველოს რესპუბლიკელი სენატორი არკანზასიდან ტომ კოტონი ჩაიბარებს, რომელიც უსაფრთხოების საკითხებში პრეზიდენტის მთავარი თანამოაზრეა.

რაც შეეხება დონალდ ტრამპს, მან თავი აარიდა პასუხს კითხვაზე, სურს თუ არა მომავალშიც განაგრძოს რექს ტილერსონთან მუშაობა სახელმწიფო მდივნის რანგში.

რექს ტილერსონის შესაძლო გადადგომის შესახებ ინფორმაცია, პირველად, ივლისის ბოლოს გავრცელდა. მიზეზად კი დონალდ ტრამპთან არსებული უთანხმოება დასახელდა.

მოგვიანებით გავრცელდა ინფორმაცია, რომ მას გაეროში აშშ-ის მუდმივი წარმომადგენელი ნიკი ჰეილი ჩაანაცვლებდა , თუმცა ყოველ ჯერზე, თეთრი სახლი გავრცელებულ ინფორმაციას უარყოფდა.