პაკისტანში, პეშავარის აგრარული უნივერსიტეტის კამპუსში შეიარაღებული პირები შეიჭრნენ და ცეცხლი გახსნეს. გაისმა აფეთქების ხმაც.

გავრცელებული ცნობით, დაშავებულია 17 ადამიანი.

პეშავარის პოლიციის უფროსის განცხადებით, თავდამსხმელები სამართალდამცავებმა მოკლეს. უცნობია, რამდენი თავდამსხმელი შეიჭრა სკოლის ტერიტორიაზე.

მისივე თქმით, თავდამსხმელების მოტივი ამ დროისთვის უცნობია, ისინი დაცვის თანამშრომლებისა და დირექციის მიმართულებით ისროდნენ.

შეგახსენებთ, 2014 წლის დეკემბერში, "თალიბანი" პეშავარის სამხედრო საჯარო სკოლას დაესხა თავს და 135 ბავშვი მოკლა.