JAY-Z-მ ცოლთან ღალატის შესახებ პირველად ისაუბრა .

The New York Times-თან გულწრფელ ინტერვიუში, მომღერალმა აღიარა, რომ ბიონსეს უღალატა. მისი თქმით, ბავშვობაში გადატანილი მოვლენების გამო, მან კედლები აღმართა უახლოეს ადამიანთან, რწმენა დაკარგა და უღალატა.

ჯეი ზიმ ისიც აღიარა, რომ მათ ბოლო ალბომებში მინიშნებები ღალატზე, სიმართლე იყო.

ჯეი ზის თქმით, მათ ალბომების ჩაწერა ერთმანეთისთვის არ შეუთანხმებიათ, თუმცა, როგორც ყოველთვის, ამჯერადაც ერთმანეთს აზრზს ეკითხებოდნენ და თავს ძალიან არაკომფორტულად გრძნობდნენ.

გასულ წელს ბიონსემ ალბომი „Lemonade“ გამოუშვა. მასში შესული სიმღერები იმდენად გულწრფელი ტექსტებით იყო, დიდხანს გახილვის თემად დარჩა. ბიონსე სიმღერებში პოლიტიკურ და სოციალურ თემებთან ერთად, მეუღლის ღალატსაც შეეხო.

მიმდინარე წლის ივლისში, ჯეი ზიმ ახალი ალბომი „44:4“ გამოუშვა, რომელიც თავყვანისმცემლებმა ბიონსეს ალბომის პასუხად აღიქვეს. ბულვარული გამოცემები წერდნენ, რომ ჯეი ზი ახალი ნამუშევრით ღალატისთვის ბიონსეს ბოდიშს უხდის.

მომღერალმა განაცხადა, რომ ისინი განქორწინების ზღვარზე იყვნენ, თუმცა როცა საკუთარ თავებს ჩაუღრმავდნენ, მიხვდნენ, რომ ამის გადალახვას შეძლებდნენ.

„ყველაზე მძიმეა, როდესაც შენგან გამოწვეულ ტკივილს სხვის სახეზე ხედავ და ამის შემდეგ საკუთარ თავთან შეგუება გიწევს. უნდა გადარჩე.

ბევრ ადამიანს არ სურს ამის გაკეთება, საკუთარ თავში ჩაღრმავება.

და როცა ისინი ამას არ აკეთებენ, მაშინ ერთმანეთს ტოვებენ“ - დასძინა ჯეი ზიმ.

შეგახსენებთ, 2017 წლის 18 ივნისს ცნობილი გახდა, რომ ბიონსე და ჯეიზი ტყუპების მშობლები გახდნენ.

ბიონსესა და ჯეი ზის კიდევ ერთი ქალიშვილი , ბლუ ივი ჰყავთ, რომელიც 2012 წელს გაჩნდა.