უკრაინის საპრეზიდენტო რეიტინგში "ოკეან ელზის" სოლისტი მე-2 ადგილს იკავებს

მსოფლიო - 16:15, 30 Nov, 2017

2296

ცენტრ SOCIS-ის ის მიერ ჩატარებული გამოკითხვის თანახმად, რომელიც ოქტომბერში ჩატარდა, გამოკითხულთა 14.8% პრეზიდენტად როკ-ჯგუფ „ოკეან ელზის“ სოლისტს სვიატოსლავ ვაკარჩუკს აირჩევდა. ვაკარჩუკი ამ შედეგით მეორე ადგილზეა და მას მხოლოდ მოქმედი პრეზიდენტი პეტრო პოროშენკო უსწრებს, რომელსაც გამოკითხულთა 16.9% უჭერს მხარს. მესამე ადგილზეა „ბატკივშინას“ ლიდერი იულია ტიმოშენკო 13,5%-ით, მეოთხეზე რადიკალური პარტიის ხელმძღვანელი ოლეგ ლიაშკო 9.5%, მეხუთე ადგილს კი „სამოქალაქო პოზიციის“ ლიდერი ანატოლი გრიცენკო 9.3%.

გამოკითხვა 5-11 ოქტომბრის შუალედში ჩატარდა. სრულწლოვანი მოსახლეობის პირისპირ გამოკითხვის მეთოდით, სულ გამოკითხული იქნა 2000 რესპოდენტი.

შეგახსენებთ, მომავალი საპრეზიდენტო არჩევნები უკრაინაში 2019 წლის 31 მარტს ჩატარდება.

სვიატოსლავ ვაარჩუკი 42 წლისაა. მას დამთავრებული აქვს ლვოვის უნივერსიტეტის ფიზიკის და საერთაშორისო ეკონომიკის ფაკულტეტები. ფიზიკის დარგში დაცული აქვს დისერტაცია. 2015 წელს გახდა იელის უნივერსიტეტის მსოფლიო სასტიპენდიო პროგრამის მონაწილე, რომელიც მიმართულია ახალი მსოფლიო ლიდერების ქსელის შექმნასა და საერთაშორისო ურთიერთობების გაღრმავებაზე. აქტიურად მონაწილეობდა ნარინჯისფერ რევოლუციასა და მაიდნის მოვლენებში. 2017 წლიდან მასზე , როგორც უკრაინის პრეზიდენტობის კანდიდატზე აქტიურად ალაპარაკდნენ.