გოგონები პრობლემებს უკეთ აგვარებენ, ვიდრე ბიჭები

გოგონები პრობლემებს უკეთ აგვარებენ, ვიდრე ბიჭები - გლობალური კვლევის შედეგები

ეს საინტერესოა - 13:16, 30 Nov, 2017

1737

პრობლემის გადასაჭრელად შექმნილ ჯგუფებში, გოგონები უფრო მოხერხებულები არიან, ვიდრე ბიჭები.

როგორც Independent-ი იტყობინება, ამის შესახებ მსოფლიოს პირველი გლობალური კვლევის შედეგად გახდა ცნობილი.

ანალიტიკოსები აცხადებენ, რომ კვლევები აჩვენებს, გოგონები უკეთ ადაპტირდებიან ახალ სამუშაო სივრცეში .

კვლევა , ეკონომიკური თანამშრომლობისა და განვითარების ორგანიზაციამ / The Organisation for Economic Co-operation and Development (OECD) ჩაატარა, რომელიც სტუდენტების აკადემიურ შესაძლებლობებს PISA-ს ტესტების მიხედვით აფასებს,.

კვლევაში მონაწილეობა მიიღო 125 ათასმა 15 წლის მოზარდმა. მათ დააკვირდნენ, როგორ შეძლებდნენ სხვებთან თანამშრომლობით პრობლემების გადაჭრას.

52 ქვეყნიდან თითოეულში, გოგონებმა უკეთესი შედეგი აჩვენებს, ვიდრე ბიჭებმა.

OECD-ის გენერალურმა მდივანმა, ჟოზე ანხელ გურრიამ განაცხადა, რომ პრობლემების გადაჭრის უნარ-ჩვევების გაუმჯობესებას მეტი ყურადღება უნდა დაეთმო.

აღსანიშნავია, რომ წლევანდელი შედეგები მკვეთრად განსხვავდება 2012 წლეს გამოქვეყნებული შედეგებისგან. მაშინ, OECD-მა კვლევა პრობლემების ინდივიდუალურად გადაჭრის უნარებზე ჩაატარა. დასკვნის თანახმად კი, მამაკაცები აღნიშნულ საქმეს ქალებზე უკეთ ასრულებდნენ.