ამერიკის შეერთებული შტატების პრეზიდენტმა დონალდ ტრამპმა საზოგადოებას ტელეკომპანია CNN-ის ბოიკოტისკენ მოუწოდა.

ტრამპმა ეს მოწოდება მას შემდეგ გააკეთა, რაც ტელეკომპანიამ თეთრ სახლში გამართულ ჟურნალისტებთან შეხვედრაში მონაწილეობაზე უარი განაცხადა.

CNN-მა ეს გადაწყვეტილება პრეზიდენტის რიტორიკის გამო მიიღო. საშობაო მიღება პირველ დეკემბერს უნდა გაიმართოს.

„შესანიშნავია და ჩვენ ბოიკოტი უნდა გამოვუცხადოთ „ფეიქ ნიუსების“ CNN-ს. მათთან საქმის დაჭერა დროის დაკარგვაა“, - დაწერა ტრამპმა „ტვიტერის“ პირად გვერდზე.