იბრაჰიმოვიჩი ცხვირის ოპერაციის გასაკეთებლად თურქეთში ჩადის

ეს საინტერესოა - 16:48, 28 Nov, 2017

2682

მანჩესტერ იუნაიტედის ვარსკვლავი ზლატან იბრაჰიმოვიჩი ცხვირზე ოპერაციის გასაკეთებლად თურქეთში ჩადის. ამის შესახებ ინფორმაციას თურქული მედია ავრცელებს. fanatik.com.tr-ის ინფორმაციით , იბრაჰიმოვიჩს ცხვირთან დაკავშირებით პრობლემები აქვს და თურქეთში შესაბამისი პროცედურების ჩატარება მისმა ყოფილმა თანაგუნდელმა, შვედეთის ნაკრების თურქული წარმოშობის ფეხბურთელმა ერკან ზენგინმა ურჩია, რომელმაც მსგავსი პროცედურები უკვე ჩაიტარა. ოპერაციის დეტალები არ კონკრეტდება, ზოგიერთი მედიასაშუალება ეჭვობს, რომ იბრაჰიმოვიჩს თავისი პოპულარული ცხვირი მობეზრდა და მის შეცვლას ცდილობს. ავტობიოგრაფიულ წიგნში იბრა წერს, რომ მისი დიდი ცხვირი ბავშობიდანვე არავის რჩებოდა ყურადღების გარეშე და ხშირად დაცინვის ობიექტიც გამხდარა. სპორტული გამოცემები ხშირად ხუმრობდნენ იმის შესახებ რომ იბრაჰიმოვიჩის ძალა მის ცხვირშია და ის ყოველთვის ცხვირის დაცვას ცდილობს, როცა "ცოცხალ კედელში" დგას.

ცხვირი 36 წლის შვედი ფეხბურთელის საფირმო ნიშნად იქცა, იბრაჰიმოვიჩის თაყვანისმცემლებს ის მის გარეშე ვერც წარმოუდგენიათ და იმედოვნებენ, რომ თურქეთში დაგეგმილი ოპერაცია, მხოლოდ კოსმეტიკური პროცედურებია და არა რინოპლასტიკა, იბრაჰიმოვიჩის ფოტოებით თუ ვიმსჯელებთ მის ცხვირს უკვე შეეხო ქირურგის ხელი და მან კეხი უკვე მოიშორა, თუმცა ცხვირის ზომას არ შეხებია.

რაც არ უნდა იყოს, იბრაჰიმოვიჩის ეს გადაწყვეტილება ნაკლებად მოეწონება მანჩესტერ იუნაიტედის მთავარ მწვრთნელს ჟოზე მაურინიოს, რადგან მისი მოთამაშე, რომელიც მოედანზე მძიმე ტრავმის შემდეგ ეს ესაა დაბრუნდა, ისევ საოპერაციოში აღმოჩნდება.