"დაგვიანებული, თუმცა, საუკუნის გადაწყვეტილება" - მეუფე პეტრე მეუფე შიოს ჩრდლოვანი კაბინეტის დასრულებას ურჩევს

რელიგია - 23:15, 25 Nov, 2017

6563

"დაგვიანებული, თუმცა, საუკუნის გადაწყვეტილება" - ასე აფესებს ჭყონდიდის მიტროპოლიტი პეტრე პატრიარქის გადაწყვეტილებას.

მეუფე პეტრე ამბობს, რომ მან პირადად მიწერა მეუფე შიოს მილოცვის წერილი და პასუხად მადლობაც მიიღო.

მიტროპოლიტი ამბობს, რომ მას არაფერი წყენა არ აქვს მეუფე შიოს მიმართ, რომელიც მდივანი იყო სინოდის იმ სხდომისა, როცა მას ტელევიზიის დირექტორობა დაატოვებინეს.

,,არ დავპატარავდები... აბსოლუტურად დიდსულოვანი და უშურველი ვარ ამ რეალობის მიმართ“ - ამბობს მიტროპოლიტი.

რაც შეეხება მეუფე შიოს რუსულ კავშირებს, მეუფე ამბობს, რომ არსებული ურთიერთობების სასიკეთოდ გამოყენება, მის პიროვნებაზე იქნება დამოკიდებული. ,,ის იყო მოსკოვში ქართველთა სათვისტომოს ხელმძღვანელი და წმინდა გიორგის ტაძრის წინამძღვრის მოადგილე. მასზეა დამოკიდებული მის ბიოგრაფიას რამდენას, სწორად სახელმწიფოებრივად და მართლმადიდებლურად გამოიყენებს“ - მაბობს მეუფე.

ჭყონდიდის მიტროპოლიტი პატრიარქის მოსაყდრეს ჩრდილოვანი მმართველობის დასრულებას ურჩევს, რომლის სათავეშიც პატრიარქის მდივან-რეფერენტს, შორენა თეთრუაშვილს, მისი ერთპიროვნული გადაწყვეტილებებით ხედავს.

,,დიდი სურვილი მაქვს, რომ მეუფეს აღმოჩანდეს ეს ღირსეული თვისებები , რომ არავის არ დარჩეს სათქმელი, ქორეპისკოპოსებს, რომ ჩვენ სამნი კი ვართ, მაგრამ მაინც ქალი იღებს გადაწყვეტილებას. უკვე მოსაყდრობა მას აძლევს სრულ ლეგიტიმაციას, რომ მიიღოს გადაწყვეტილებები და აიღოს პასუხისმგებლობა და არათუ ჩემგან მხილებულ, არამედ თვით ქალბატონიგან აღიარებულ ამ ჩრდილოვან მმართველობას, მის გადაჭარბებულ უფლებებს, დაესვას წერტილი“ - აცხადებს მეუფე პეტრე.

,,მე შევთხოვ უფალს, რომ რაც შეიძლება ხანგრძლივი იყოს მეუფე შიოს მესაყდრეობა, წინააღმდეგ შემთხვევაში, შიეძლება გაჩნდეს კითხვები“ - აცხადებს ჭყონდიდელი მიტროპოლიტი.