გერმანელი სოციალ-დემოკრატები მთავრობის ფორმირების თაობაზე მოლაპარაკებებისთვის მზად არიან

მსოფლიო - 15:59, 24 Nov, 2017

1097

გერმანიაში სამთავრობო კრიზისია, არჩევნებშ გამარჯვების მიუხედავად, ანგელა მერკელის ქრისტინა-დემოკრატიული კავშირი მტავრობას ვერ აყალიბებს.

გერმანიის სოციალ-დემოკრატიული პარტია მზადაა მოლაპარაკებები აწარმოოს ქვეყანაში არსებული სამთავრობო კრიზისის დასრულების მიზნით. ამის შესახებ ინფორმაციას Bild პარტიის გენერალურ მდივან ჰუბერტუს ჰაილზე დაყრდნობით ავრცელებს.

მისი განცხადებით პარტია მომავალ კვირაში აპირებს გერმანიის პრეზიდენტ ფრანკ ვალტერ შტაინმაიერთან შეხვედრას და მისი შემდგომი ქნედებები პრეზიდენტის წინადადებებზე იქნება დამოკიდებული.

ამ კვირაში პრეზიდენტი აწარმოებს მოლაპარაკებებს პარლამენტში გასულ პარტიებთან, რომლებიც სავარაუდოდ შევლენ ახალ მთავრობაში. თუ უახლოეს ხანებში სამტავრობო კოალიცია ვერ შედგება, გერმანიას ან ახალი არჩევნები ელის წინ, ან "უმცირესობის მთავრობის" ჩამოყალიბება.

20 ნოემბერს თავიუფალი დემოკრატები გამოვიდნენ ქრისტიან-დემოკრატებთან და მწვანეებთან მიმდინარე მოლაპარაკებებიდან. ეს სამი პარტია ბლოკ "იამაიკას" ჩამოყალიბებას გეგმავდა და მათ ბუნდესტაგში 55%-იანი უმრავლესობა ექნებოდათ. თავისუფალი დემოკრატების გასვლის შემდეგ, "იამაიკა" მხოლოდ 44% აგროვებს და მთავრობას ვერ აყალიბებს.

თავის დროზე სოციალ დემოკრატებმა გამორიცხეს მერკელის პარტიასთან ყოველგვარი მოლაპარაკებები და დიდი კოალიციის შექმნის შესაძლებლობა, რა შემთხვევაშიც ამ ბლოკს მანდატების 56% ექნებოდა.