ხუთი დღე მანქანის სახურავზე, ნიანგების ალყაში

მსოფლიო - 12:46, 24 Nov, 2017

11328

ორმა ავსტრალიელმა ახალგაზრდამ ზღვის მოქცევისა და ნიანგებისგან თავდასაცავად 5 დღე მანქანის სახურავზე გაატარა. 10 წლის ჩარლი უილიამსი და ბო ბრაის-მორისი, 17 ნოემბერს, დასახლებული ადგილიდან შორს დასავლეთ ავსტრალიის სანაპიროზე სათევზაოდ გაემართნენ. თან მხოლოდ ძაღლი წაიყვანეს. მათი ავტომანქანა ტალახში ჩაეფლო. უამრავი მცდელობის მიუხედავად მამაკაცებმა მანქანას ძვრა ვერ უყვეს.

დაკარგულები თავის თავგადასავლებს ვიდეო კამერით იწერდნენ, იმ იმედით, რომ ამ კადრებს მათი ოჯახის წევრები ნახავდნენ.

მოულოდნელად მათ ნიანგი დაინახეს და მანქანის სახურავზე აძვრნენ.

"გასულ ღამეს ჩვენ ნიანგების ალყაში ვიყავით, ისინი ცდილობდნენ ჩვენი ძაღლი შეეჭამათ,"- აცხადებს ერთერთი მათგანი.

მიუხედავად სირთულეებისა მეთევზეები ოპტიმისტურად იყვნენ განწყობილნი. მათ სწორად გაანაწილეს წყალი და საკვები, თუმცა, იმ დროს როდესაც ისინი მაშველებმა იპპოვეს, მათ ყველა მარაგი ამოწურული იყო.

"ისინი იყვნენ დაღლილები, განიცდიდნენ სხეულის გაუწლოვნებას და მზის დარტყმაც მიიღეს," - განაცხადეს მაშველებმა.

დაკარგულების ძებნა პოლიციამ მას შემდეგ დაიწყო, რაც ოჯახის წევრებმა 21 ნოემბერს, მათი დაკარგვის შესახებ განაცხადეს. საბედნიეროდ, ისინი მეორე დღესვე, სამშაბათს იპოვეს.

(დაკარგულების მანქანის ფოტო ვერტმფრენიდან)