აგრესია, მოდუნება, სექსუალური ლტოლვა - რას იწვევს სხვადასხვა სიმაგრის ალკოჰოლი ადამიანში

ეს საინტერესოა - 17:14, 23 Nov, 2017

12170

ალკოჰოლური სასმელის სხვადასხვა სახეობა ადამიანის ხასიათზე განსაკუთრებულ გავლენას ახდენს. კერძოდ, მაგარი სპირტიანი სასმელები ადამაინში იწვევენ აგრესიას, ცრემლებს, სექსუალურ ლტოლვას, ხოლო წითელი ღვინო და ლუდი, პირიქით, ადამიანს ადუნებს.

ბრიტანელი მეცნიერების მიერ გამოკითხული იქნა 30 000 ადამიანი. ისინი 21 ქვეყნის მოქალაქეები იყვნენ და მათი ასაკი 18-დან 34 წლებს შორის იყო.

ყველა მათგანი იყო ლუდის, ღვინის, არაყისა თუ სხვა სპირტიანი სასმელების მომხმარებელია. სწორედ მათი მონაყოლის მიხედვით გამოიტანეს მეცნიერებმა ზ.ა. დასკვნები.

თუმცა, მეცნიერები ასევე გამოყოფენ იმ განწყობასაც, თუ რა დროსა თუ სიტუაციაში იღებს ადამიანი ამა თუ იმ სასმელს. თუმცა, სიტუაცია და განწყობა მხოლოდ ზემოქმედების კორელაციას ახდენს.

"ახალგაზრდები მაგარ სასმელს წვეულებაზე, კლუბებში თუ მასობრივი გართობის სხვა ადგილებში იღებენ, ხოლო ღვინოს ძირითადად მშვიდ გარემოში, სახლში სვამენ, სადლობის ან ოჯახური წვეულების დროს. გარდა ამისა ალკოჰოლის ზემოქმედება დამოკიდებულია იმაზე, თუ რა მიზნით იღებს ადამიანი მას, სიმშვიდისათვის თუ პირიქით გრძნობების გამოთავისუფლებისათვის. როგორც წესი, ღვინოს და ლუდს ადამიანი რელაქსაციისათვის იღებს. მაგარ სასმელს - ტონუსის ასაწევად, თუმცა არ არის გამორიცხული სასმელის ზემოქმედება მოლოდინის საპირისპიროც იყოს," - აცხადებენ მეცნიერები.

ამავე კვლევაში ნათქვამია, რომ ალკოჰოლის მოყვარული ადამიანები ძირითადად სასმელს პოზიტიური ემოციური განწყობის მისაღწევად იღებს, ხოლო იშვიათად მომხმარებლებს, როგორც წესი, კონკრეტული მიზანი არ აქვთ.

დასასრულ, მეცნიერები რეკომენდაციებსაც გვაძლევენ - ალკოჰოლის მიღების ყველაზე უსაფრთხო ზომა, კვირაში 12 პორცია მაგარი სასმელის (დაახლოებით 25 მილიგრამი ერთი პორცია) და ექვსი ბოკალი ღვინო, 175 მილიგრამი თითოეული.