Backstreet Boys-ის ყოფილ წევრს ნიკ კარტერს გაუპატიურებაში ადანაშაულებენ. მსგავსი ბრალდებით ამერიკელი მომღერალი და მსახიობი მელისა შუმანი გამოვიდა. როგორც შუმანმა საკუთარ ბლოგზე დაწერა ნიკ კარტერმა ის 18 წლის ასაკში გააუპატიურა.

როგორც მელისა შუმანი წერს, ნიკ კარტერმა ის სახლში დაპატიჟა, კოცნის შემდეგ კი მასთან სექსი მოისურვა, რაზეც შუმანი არ დათანხმდა, მიუხედავად მისი წინააღმდეგობისა ნიკ კარტერმა ის მაინც გააუპატიურა. მელისა შუმანის თქმით, მისი მენეჯერი ნიკ კარტერთან მეგობრობდა და სწორედ მან გადაათქმევინა სასამართლოში ჩივილი. ახლა კი ამ თემაზწე საუბარი მას შემდეგ გადაწყვიტა, რაც ინტერნეტში გავრცელდა ისტორია, რომ ნიკ კარტერი მის მსგავსად ერთ-ერთ ფანსაც მოექცა.

შუმანის ბრალდებას კატეგორიულად უარყოფს ნიკ კარტერი და აცხადებს, რომ მას მელისასთან ურთიერთობა ქონდა, თუმცა ყველაფერი ურთიერთთანხმობით ხდებოდა.

„მსგავსი ბრალდება პირველად მესმის 20 წლის შემდეგ. ასეთი ქმედებები ჩემს ბუნებას და ყველაფერ იმას ეწინააღმდეგება, რაც ჩემთვის ძვირფასია.“- განაცხადა კარტერმა.