სანამ ხელში აგიფეთქდათ - 5 მიზეზი, რატომ ხურდება თქვენი სმარტფონი და როგორ უნდა ვუშველოთ მას

ეს საინტერესოა - 19:18, 21 Nov, 2017

17319

სმარტფონის გახურების პრობლემა ხშირია, თუ მას დროულად არ მიხედავთ , შესაძლოა ეს სავალალოდ დასრულდეს და ის საერთოდ გაფუჭდეს. ნუ მიუშვებთ სიტუაციას თვითდინებაზე და გაარკვიეთ მიზეზები.

1. ძალიან ცოტა მეხსიერება

ადამიანები საკუთარ სმარტფონებს დიდ მოთხოვნებს უყენებენ, მათ სურთ სმარტფონში
უახლესი თამაშებიც ქონდეთ, საუკეთესო გრაფიკული რედაქტორიც, მთვარის ფაზების კალენდარიც... ისინი ყველა ამ პროგრამის საკუთარ სმარტფონში ჩამოწერას ცდილობენ, რის შედეგადაც მეხსიერება ბოლომდე იტვირთება და ივსება. სმარტფონში არსებული ბევრი პროგრამა მას აიძულებს უფრო მეტად დატვირთვით იმუშაოს, მთელი თავის ძალების მობილიზებას ახდენს და შესაბამისად ხურდება კიდეც. პირველი რაც ამ პრობლემის მოგვარებაში დაგეხმარებათ, არის ის, რომ კარგად განსაზღვროთ თქვენი სმარტფონის შესაძლებლობები და იმაზე მეტად არ გადატვირთოთ, რაც მის ძალებს აღემატება.

2. ჩართული აპები, რომლის გათიშვაც დაგავიწყდათ

აღიარეთ, რომ თქვენ პროგრამიდან გამოსვლის ნაცვლად მთლიანად ხურავთ მას, რის გამოც ზოგიერთი პროგრამა მუშაობას თავისთვის აგრძელებს და შესაბამისად სმარტფონსაც ტვირთავს. ამიტომ პროგრამიდან გამოსვლისას მხოლოდ ფანჯარა არ დახუროთ, არამედ პროგრამა გათიშეთ.

3. ძალიან „თბილი“ შალითა

სმარტფობის შალითაში ჩადება კარგი იდეაა, მაგრამ ზოგჯერ მისგან პოტენციური სარგებელი ნაკლებია, ვიდრე რეალური ზიანი. ზოგიერთ შემთხვევაში ის ხელს უშლის მოწყობილობის გაგრილებას, განსაკუთრებით პლასტიკისგან დამზადებული შალითები. ამიტომ მოერიდეთ ასეთ შალითებს. სმარტფონის დამუხტვის დროს შალითა მოხსენით.

4. თქვენ სმარტფონი თბილი ქურთუკის ჯიბეში გიდევთ, ან ძილის დროს ბალიშის ქვეშ ინახავთ.

როგორც წინა შემთხვევაში, ძალიან თბილი პირობები მოწყობილობის ნორმალურ გაგრილებას უშლის ხელს. ზამთარში ქურთუკის ჯიბეში სმარტფონის შენახვას თავს ვერ აარიდებთ, სამაგიეროდ შეგიძლიათ დღეიდან უკვე სმარტფონი ბალშის ქვეშ აღარ შეინახოთ და ამით მას „დატვირთული ცხოვრება“ შეუმსუბუქოთ.

5. ტელეფონი დამუხტვის დროს ძლიერად ცხელდება

ამ შემთხვევაში შესაძლოა პრობლემა ტელეფონის ბატარეაში ან დამტენ მოწყობილობაში იყოს. ცადეთ კაბელის შეცვლა და დააკვირდით იმოქმედებს თუ არა ეს დადებითად. ასევე მანამდე ვიდრე ტელეფონს დასამუხტად შეაერთებთ, გათიშეთ ყველა აპი, გამორთეთ Wi-Fi და Bluetooth, ეცადეთ დამუხტვის დროს სმარტფონზე არ ითამაშოთ და არ დაიწყოთ რაიმე პროგრამის ჩამოწერა, ეს დამატებით დატვირთავს მას. რაც მთავარია, არასოდეს დატოვოთ სმარტფონი სატენზე შეერთებული მთელი ღამით.