სენსაცია მედიცინაში - მსოფლიოში პირველად, ადამიანს თავი გადაუნერგეს

ჯანმრთელობა - 18:39, 21 Nov, 2017

23320

ჩინეთში თავის გადანერგვის ოპერაცია წარმატებით განხორციელდა . ოპერაცია ჯერჯერობით გვამზე ჩატარდა და არა ცოცხალ პაციენტზე. ოპერაცია 18 საათის განმავლობაში მიმდინარეობდა.

ექიმების შრომატევადი მუშაობის წყალობით, შესაძლებელი გახდა ნერვების და სისხლძარღვების გადაბმა, ასვე ხერხემლის ნაწილების აღდგენა და შეერთება. მსგავსი ფაქტი ადრე სამედიცინო პრაქტიკაში არ მომხდარა.

წარმატებული ოპერაციის შესახებ პირველი ინფორმაცია იტალიელმა ქირურგმა სერჯიო კანავერომ პრესკონფერენციაზე გაავრცელა.

ოპერაცია ა ჰარბინის სამედიცინო უნივერსიტეტის სპეციალისტების მიერ, დოქტორ ჟენ სიაოპინის ხელმძღვანელობით ჩატარდა. აღნიშნული ოპერაცია განიხილება, როგორც მოსამზადებელი სამუშაო ცოცხალი ადამიანისთვის თავის გადანერგვისთვის, რომელიც პროექტის მონაწილეების თქმით უახლოეს მომავალში ჩატარდება.

2016 წლის სექტემბერში, გავრცელდა ვიდეო, რომელშიც ნაჩვენები იყო თაგვი და ძაღლი, რომლებმაც მსგავსი ოპერაცია გადაიტანეს. ცხოველებზე განხორციელებული ექსპერიმენტის დროს იყენებდნენ პოლიეთილენგლიკოლს, რომელიც ცხოველის ზურგის ტვინის დაზიანებულ ნაწილში შეჰყავდათ და ათასობით ნეირონს შორის კავშირის აღდგენას უწყობდა ხელს.