Game of Thrones - ის სცენარის და ეპიზოდის მოპარვაში ირანელ ჰაკერებს ადანაშაულებენ

მსოფლიო - 12:29, 20 Nov, 2017

1447

ამერიკის იუსტიციის სამინისტრო ტელეკომპანია HBO-ზე განხორციელებულ ჰაკერულ შეტევაში ირანის მოქალაქეების დადანაშაულებას აპირებს. ამის შესახებ ინფორმაციას The Washington Post-ი წყაროზე დაყრდნობით ავრცელებს . წყაროს ინფორმაციით იუსტიციის სამინისტრო განცხადებას შემდეგ თვეში გააკეთებს.

ჰაკერულ თავდასხმაში ირანი საჯარო დადანაშაულება შესაძლოა დაკავშირებული ამერიკის პრეზიდენტის სურილთან, რომ თეირანის წინააღმდეგ სანქციების გამკაცრება მოხდეს. აღნიშნულთან დაკავშირებით The Washington Post-ს იუსტიციის სამინისტრომ კომენტარზე უარი უთხრა.

შეგახსენებთ, მიმდინარე წლის ზაფხულში ჰაკერებმა ინტერნეტში HBO-ს „სატახტო თამაშების“ ერთ-ერთი სერიის სცენარი გააავრცელეს, შემდეგ ამ სერიის ფრაგმენტები, საბოლოოდ კი მეშვიდე სეზონის მეოთხე ეპიზოდი ინტერნეტში სრული სახით პრემიერამდე გავრცელდა.

HBO-მ კონფიდენციალური ინფორმაციის მოპარვის ფაქტი აღიარა და გამოძიების ფარგლებში პოლიციასთან თანამშრომლობის მზადყოფნა გამოთქვა.

შეგახსენებთ, აგვისტოში ტრამპმა ხელი მოაწერა ირანის წინააღმდეგ ახალი სანქციების დაწესებას, მოგვიანებით ირანი საპასუხოდ ბირთვული შეთანხმებიდან გამოსვლით დაიმუქრა.