ირაკლი შიხიაშვილი „ქართუ ბანკის“ გაკოტრების საქმეში მონაწილეობას იუარყოფს

საზოგადოება - 13:29, 11 Jul, 2013

480

შეგახსენებთ, რომ „ბანკი ქართუს“ საქმის წინასასამართლო მოსმენა გუშინ გაიმართა, აღნიშნულ საქმეში ერთ-ერთი ბრალდებული ნიკა მელიაა. მოსმენის დასრულების შემდეგ ძველი თბილისის გამგებელმა ჟურნალისტებთან კომენტარი გააკეთა და განაცხადა, რომ აუცილებელია სამართლიანობის აღდგენა თანაბარ ვითარებაში მიმდინარეობდეს და ყველა ეჭვმიტანილი წარმოდგენილი იყოს საბრალდებო სკამზე.

ირაკლი შიხიაშვილმა საკრებულოში დღეს გამართულ ბრიფინგზე უარყო ძველი თბილისის რაიონის გამგებლის მიერ გაკეთებული განცხადება "ქართუ ბანკის" გაკოტრების საქმეში შიხიაშვილის მონაწილეობის შესახებ. შიხიაშვილმა აღნიშნა, რომ მას აღნიშნულ საქმესთან კავშრი არ აქვს და არც შესაბამისი ორგანოებისთვის მიუცია ჩვენება.

ირაკლი შიხიაშვილი აცხადებს, რომ თბილისის საკრებულოში უმრავლესობის დაკარგვამ „ერთიანი ნაციონალური მოძრაობა“ აგონიაში ჩააგდო, შედეგად კი ცილისწამებები დაიწყეს. მან ნიკა მელიას უგულავას „მელია ბაჭია“ და ადეიშვილის ლაქია უწოდა და დასძინა, რომ თავად და თავისი გუნდი საკრებულოში გიგი უგულავასა და მისი "მელია ბაჭიების" ტალახის სროლასა და უზნეო პარპაშსს დაასრულებენ.