რეჯეპ ტაიპ ერდოღანი აცხადებს, იგი NATO-ს აღარ ენდობა. პრეზიდენტმა ნორვეგიაში, სამხედრო წვრთნის დროს მომხარი ინციდენტების გამო, ალიანსის გენერალური მდივნის ბოდიშს "არასაკმარისიც" უწოდა და აღნიშნა, რომ მსგავს შეცდომებს მხოლოდ ბოდიშით არ პატიობენ.

სწავლების დროს შემთხვევით თურქეთის სახელმწიფოს დამაარსებელი და ამჟამინდელი ლიდერი მტრების სიაში შეიყვანეს. მომხდარის გამო, ბოდიშის მოსახდელად იენს სტოლტენბერგმა რეჯეპ ტაიპ ერდოღანს წერილიც გაუგზავნა და დაურეკა კიდეც.

თურქეთის პრეზიდენტის თქმით, სირიის ტერიტორიის მხრიდან საფრთხის გაზრდის ფონზე, ალიანსმა თურქეთიდან რაკეტსაწინააღმდეგო თავდაცვითი სისტემები უკან გაიწვია და მიანიშნა, რომ ეჭვობს თავდასხმის შემთხვევაში, ანკარას არ დაეხმარება.