NATO-ს გენმდივანი და ნორვეგიის თავდაცვის მინისტრი თურქეთს ბოდიშს უხდიან

მსოფლიო - 14:57, 18 Nov, 2017

1867

ნორვეგიაში მიმდინარე NATO-ს წვრთნებიდან თურქეთმა თავისი სამხედროები უკან გაიწვია, მიზეზი ის გახდამ რომ წვრთნის დროს თეორიული მტრის სიაში თანამედროვე თურქეთის სახელმწიფოს დამაარსებელი მუსტაფა ქემალ ათათურქი იყო შეყვანილი.

აღნიშნულ ინციდენტთან დაკავშირებით ბოდიში მოიხადა ნორვეგიის თავდაცვის მინისტრმა ფრანკ ბაკე-იენსენმა და განაცხადა რომ ათათურქის პორტრეტის გამოყენება მტრის როლში ერთ-ერთი თანამშრომლის მიერ დაშვებული შეცდომის გამო მოხდა. მისი თქმით ეს შიდა კომპიუტერული სისტემით მოხდა და არანაირად არ გამოხატავს ნორვეგიის პოზიციას.

თურქული ტელეკომპანია NTV ირწმუნება რომ ამ ქმედების ავტორი თურქული წარმოშობის ნორვეგიელი ოფიცერია, თუმცა იენსენის ამას უარყოფს და აცხადებს, რომ აღნიშნული პირი კერძო კონტრაქტორი იყო რომელიც სწავლების დროს დროებით იყო დაქირავებილი, ამჟამად კი სამსახურიდან გათავისუფლებულია.

ნორვეგიის თავდაცვის მინისტრის მსგავსად ტურქეთს ბოდიში მოუხადა ნატოს გენერალურმა მდივანმაც. იენს სტოლტენბერგმა თურქეთს ალიანსის ზალიან მნიშვნელოვანი წევრი უწოდა.

თურქეთი სამხედრო ძალის რაოდენობით NATO-ს წევრ ქვეყნებს შორის მეორეა. ის აქტიურ მონაწილეობას იღებს სირიაში ISIS-ის წინააღმდეგ ბრძოლაში და ასევე ავღანეთში ალიანსის მიერ წარმოებულ ოპერაციებში.