სექსუალური შევიწროების შესახებ ბრალდებების სერია გრძელდება.

ამჯერად, ამერიკელმა რადიოწამყვანმა ლინ ტვიდენმა სექსუალურ შევიწროებაში 66 წლის სენატორი ელ ფრანკენი დაადანაშაულა.

მისი თქმით, 2006 წელს, ფრანკენმა, რომელიც მაშინ კომიკოსი იყო, მუსიკოსებთან ერთად უცხოეთში ამერიკულ სამხედრო ბაზებს სტუმრობდნენ, მათ შორის ავღანეთში. მისი თქმით, ფრანკენმა პატარა სცენა დაწერა, რომელშიც ის და წამყვანი ერთმანეთს კოცნიდნენ. როგორც ჟურნალისტი ამბობს, მიუხედავად იმისა, რომ ის კოცნის სცენის წინააღმდეგი იყო, რეპეტიციის დროს სენატრომა მას რეალურად აკოცა.

გასტროლებიდან უკან დაბრუნებისას კი, ფრანკენმა მასთან ფოტო გადაიღო, რომელზეც ჟურნალისტს სძინავს, ამჟამინდელ სენატორს კი მის მკერდზე ხელები უდევს.

აღნიშნული ინფორმაციის გავრცელების შემდეგ, სენატორმა საპასუხო განცხადება გაავრცელა, სადაც ჟურნალისტს ფოტოს გამო ბოდიშს უხდის და ამბობს, რომ წარმოდგენაც არ აქვს, რტომ გადაწყვიტა მსგავსი ფოტოს გადაღება . მისი თქმით, ქალებს პატივს სცემს და ჟურნალისტის შეურაცხყოფა არც უფიქრია. რაც შეეხება კოცნას, სენატორის თქმით, ეს შემთხვევა სხვანაირად ახსოვს.