Victoria's Secret -ის 2017-ის წლის შოუმდე 4 დღით ადრე ცნობილი გახდა, რომ რუსი მოდელებისა და რამდნეიმე ჟურნალსიტის მსგავსად, ამერიკელი მოდელი ჯიჯი ჰადიდი შანხაიში დაგეგმილ შოუს გამოტოვებს.

მიზეზი იგივეა - მოდელს ჩინეთმა ვიზა არ მისცა.

ამის შესახებ ჯიჯიმ თვითერზე დაწერა.

შეგახსენებთ, ჯიჯი ჰადიდი რამდენიმე თვის წინ სკანდალში გაეხვა. ინსტაგრამზე სახალისო ვიდეო გამოაქვეყნა, სადაც ის და მისი მეგობარი წვრილი თვალების იმიტაციას აკეთებენ, რასაც აზიელების განრისხება მოჰყვა. ჯიჯის ინსტაგრამზე დიდი შეტევა მოუწყვეს, რის გამოც იძულებეული გახდა კომენტარების წერის ფუნქცია დროებით გამოერთო.

ჯიჯი ჰადიდმა საჯაროდ ბოდიშიც მოიხადა, თუმცა, როცა შოუზე დაამტკიცეს და სოციალურ ქსელში დაწერა, რომ მოუთმენლად ელის ჩინეთში გამგზავრებას, აზიელებმა კიდევ ერთხელ შეუტიეს. სოციალურ ქსელებში წერდნენ, რომ იმ დამცინავი ვიდეოს შემდეგ ჯიჯი ჩინეთში არ უნდა ჩასულიყო.

შეგახსენებთ, რამდენიმე დღის წინ გავრცელდა ინფორმაცია, რომ ჩინეთმა ვიზა არ მისცა რუსი მოდელებს ირინა შარიპოვას, ქეით გრიგორეივასა და იულია ბელაკოვისა.(იულია წელს პირველად გამოდიოდა შოუზე). მედიის ცნობით, ვიზაზე უარი მიიღეს ასევე უკრაინელმა და ნიგერიელმა მოდელებმა.