69 წლის რონის, რომელიც 8 ცოლმა მიატოვა, ამჯერად 28 წლის საცოლემ უღალატა

ეს საინტერესოა - 18:24, 16 Nov, 2017

5021

69 წლის ლონდონელი რონ შეპარდს ყველაზე მეტჯერ დაქორწინებული მამაკაცის ტიტული უკვე მიანიჭეს სოციალურ ქსლებში, მაშინ, როდესაც ცნობილი გახდა, რომ მე-9 ცოლის მოყვანას აპირებდა, თუმცა ყველაფერი სხვაგვარად მოხდა.
მაშინ რონი ყვებოდა, რომ მას რვა ცოლი ჰყავდა და რვავემ მიატოვა, მეცხრეს ტაილანდელ კრისტი ლეილეკს კი მისი ცხოვრების ნამდვილ სიყვარულად მიიჩნევდა, რომელიც როგორც იქნა იპოვა. 2015 წელს რონმა კრისტის ხელი სთხოვა დ თანხმობაც მიიღო. წყვილი ლონდონში, რონის სახლში დასახლდა. როგორც პარკინსონით დაავადებული მამაკაცი დეილი მეილისთან აცხადებს, მათ სექსუალური ურთიერთობა არ ჰქონიათ, რადგან 28 წლის კრისტი ძალიან მორწმუნე იყო და ქორწინებამდე სექსზე უარს ამბობდა.
ერთხელაც კრისტი ფილიპინებში წავიდა ოჯახის მოსანახულებლად და უკან აღარ დაბრუნდა. თან წაიღო ყველა მისი ნივთი და საქმროსთან ყოველგვარი კონტაქტი გაწყვიტა.
როგორც რონი დეილი მირორთან აცხადებს, მეგობარმა უთხრა, კრისტი სხვა მამაკაცს ხვდებოდა და სავარაუდოდ, მის გამო მიატოვა.
შეპარდი პირველად 19 წლის ასაკში, 1966 წელს დაქორწინდა და პირველი ქორწინებიდან 3 შვილი ეყოლა. მეორე ცოლი 1973 წელს მოიყვანა, ქორწინებამ მხოლოდ 1 წელს გასტანა. 1976 წელს მესამე ცოლი შეირთო და 5-წლიანი თანაცხოვრებისას 2 ბიჭი გაუჩნდათ. მეოთხე ცოლი შეირთო 1982 წელს. 1986 წელს კი მეხუთე ცოლი მოიყვანა და მასთან ყველაზე დიდხანს, 11 წელი იცხოვრა. მეექვსე ცოლი 1999 წელს, მეშვიდე კი 2003 წელს მოიყვანა. მერვე ცოლი კი 2004 წელს შეირთო.