რუსეთის დუმამ მიიღო შესწორება, რომლის მიხედვითაც, უცხოური მედია, რომელიც საზღვარგარეთიდან იღებს დაფინანსებას, "უცხოელ აგენტად" აღიარონ. ცვლილებები რუსეთში აკრძალული ორგანიზაციების ვებგვერდების დაბლოკვის შესახებ კანონპროექტს შეეხება. შესაბამისად, ვრცელდება ინფორმაცია, რომ „რადიო თავისუფლებასა“ და „ამერიკის ხმას“ შესაძლოა რუსეთში საქმიანობა შეუზღუდონ.

კანონპროექტი აშშ-ის ქმედების პასუხია, რომელმაც რუსული ტელეკომპანია Russia Today-ს ბიურო ვაშინგტონში "უცხოელ აგენტად" დაარეგისტრირა.

ევროპა და შეერთებული შტატები რუსეთის სათათბიროს გადაწყვეტილებას აკრიტიკებენ.

გერმანიის საგარეო საქმეთა სამინისტროს შეფასებით კი საკანონმდებლო ცვლილება ეწინააღმდეგება რუსეთის, როგორც ევროსაბჭოს წევრი ქვეყნის მიერ ნაკისრ ვალდებულებებს