ავსტრალიელი სუპერმოდელი, 34 წლის მირანდა კერი და Snapchat-ის დამფუძნებელი, 27 წლის ევან შპიგელი პირველ შვილს ელოდებიან.

მირანდასთვის ეს მეორე , ევანისთვის კი პირველი შვილია.

მირანდა და ევანი ერთმანეთს 2014 წლიდან ხვდებოდნენ. ისინი 2016 წლის ივლისში დაინიშნენ. 2017 წლის მაისში კი იქორწინეს.

ევანი Snapchat-ის დამფუძნებელი და ფორბსის მიხედვით ყველაზე ახალგაზრდა მილიარდელია. 27 წლის ასაკში მისი ქონება 4.4 მილიარდი დოლარია.

34 წლის მირანდა კერი კი ყველაზე წარმატებული ავსტრალიელი მოდელია. 2008 წლიდან მსოფლიოს ერთ-ერთი ყველაზე შემოსავლიანი მოდელი, აქვს საკუთარი ბრენდი, KORA Organics, გამოცემული აქვს წიგნი. მირანდა კერი ფორბსმა 2016 წლის ყველაზე მაღალანაზღაურებად მოდელებს შორის დაასახელა. გასული 12 წლის განმავლობაში მირანდას შემოსავალმა 6 მილიონი დოლარი შეადგინა.

მირანდა კერი 2013 წელს მსახიობ ორლანდო ბლუმს დაშორდა. მირანდას და ბლუმს 6 წლის ბიჭი ჰყავთ.