რუსი მოდელები, რომლებიც შანხაიში დაგეგმილ Victoria's Secret -ის შოუზე უნდა გამოსულიყვნენ, შოუში მონაწილეობას ვერ მიიღებ. მიზეზი კი აღმოჩნდა ის, რომ ჩინეთმა მათ ვიზებზე უარი უთხრა.

მედიაში გავრცელებული ცნობით, ვიზები მისცეს შოუში მონაწილე ყველა გოგონას გარდა ირინა შარიპოვას, ქეით გრიგორეივასა და იულია ბელაკოვისა.(იულია წელს პირველად გამოდიოდა შოუზე)

ოფიციალური განცხადება ჯერჯერობით არ გაკეთებულა და შესაბამისად უცნობია, ვიზებზე უარის თქმის ზუსტი მიზეზი. ჯერ კიდევ ივლისში, ჩინეთის მთავრობა რუსეთთან ურთიერთობას „ქვეყნების ისტორიაში საუკეთესო დროდ“ მოიხსენიებდა.

ერთ-ერთი ვერსიით, ჩინეთის მსგავსი გადაწყვეტილება, ჩინეთში 14 წლის რუსი მოდელის გარდაცვალებამ გამოიწვია. გოგონას დედა შვილის გარდაცვალებაში საგენტოს ადანაშაულებდა. მისი თქმით, მოდელი ერთ-ერთ ჩინურ სააგენტოსთან დღეში 13 საათი მუშაობდა, როგორც აღმოჩნდა მას ჯანმრთელობის დაზღვევაც არ ჰქონდა.

შეგახსენებთ, Victoria's Secret-ის შოუ შანხაიში, 20 ნოემბერს გაიმართება. სატელევიზიო ტრანსლაცია კი 28 ნოემბერს გაიმართება. შოუზე, 2 მილიონ დოლარად შეფასებულ fantasy bra -ს , ბრაზილიელი მოდელი, VS-ის ოფიციალური ანგელოზი ლაის რიბერიო მოირგებს.