ზიმბაბვეში, სამხედროებმა ქვეყნის პრეზიდენტი, 93 წლის რობერტ მუგაბე მძევლად აიყვანეს. BBC-ის წყაროების ცნობით, ის გადადგომისთვის ემზადება.

მმართველ პარტიაში ამბობენ, რომ ქვეყანაში გადატრიალება არ მომხდარა და სამხედროებმა ქვეყანაში წესრიგი დაამყარეს. დასავლური მედიის ინფორმაციით, სამხედროებმა ასევე დააკავეს ზიმბაბვეს ფინანსთა მინისტრიც.

მანამდე დასავლურ მედიაში გავრცელდა ინფორმაცია, რომ ზიმბაბვეს სამხედრო ნაწილებიდან დედაქალაქის მიმართულებით სამხედრო ტექნიკა დაიძრა. მმართველმა პარტიამ კი ქვეყნის არმიის მეთაურს ღალატში დასდო ბრალი.

გენერალი კონსტანტინო ჩივენგა პრეზიდენტ რობერტ მუგაბეს მას შემდეგ დაუპირისპირდა, რაც ნოემბრის დასაწყისში ზიმბაბვეს პრეზიდენტმა, 93 წლის რობერტ მუგაბემ თვიცე-პრეზიდენტი ემერსონ მნანგაგვა დაკავებული თანამდებობიდან გაათავისუფლა, რომელიც პრეზიდენტის პოსტზე ყველაზე რეალურ კანდიდატად ითვლებოდა. მნანგაგვას სამხედროებმა მხარდაჭერა გამოუცხადეს.

მუგაბე 1987 წლიდან ქვეყნის პრეზიდენტია, მანამ კი პრემიერ-მინისტრის პოსტს იკავებდა.