ესპანეთმა რუსეთის მხრიდან კატალონიის კრიზისში ჩარევის ფაქტები წარმოადგინა

მსოფლიო - 10:56, 14 Nov, 2017

3485

ბრიუსელში, ევროპის საბჭოში ევროკავშირის თავდაცვის მინისტრების შეხვედრაზე ესპანეთმა რუსეთის მხრიდან კატალონიის კრიზისში ჩარევის ფატები წარმოადგინა. მადრიდი აცხადებს, რომ ეს აქცია ესპანეთში დესტაბილიზაციის გამოწვევის მიზნით გაკეთდა.

ქვეყნის თავდაცვისა და საგარეო საქმეთა მინისტრებმა განაცხადეს, რომ რუსეთის სახელმწიფო და კერძო ჯგუფები Twitter-ის, Facebook-ისა და სხვა სოცქსელების გამოყენებით ცდილობენ გააღვივონ სეპარატიზმი და შესაბამისი საზოგადოებრივი განწყობა შექმნან კატალონიის მოსახლეობაში.

კერძოდ, ესპანეთის უშიშროების სამსახურებმა აღმოაჩინეს ამ მიზნით შექმნილი ათიათასობით ბოტგვერდი, რომელთა 70% რუსეთიდან, ხოლო 30% ვენესუელიდან იმართებოდა. ისინი სეპარატიზმის პროპაგანდას ეწეოდნენ და მოსახლეობას დამოუკიდებლობის მიღების უპირატესობაში არწმუნებდნენ.

შეხვედრაზე მყოფმა გენერალურმა მდივანმა იენს სტოლტენბერგმა განაცხადა, რომ ესპანეთი პირველი არ არის ვინც ამგვარ ფაქტებს ახმაურებს. რუსეთი ცდილობს ჩაერიოს სხვადასხვა ქვეყნის საქმეებში ჩაერიოს და გამოიწვიოს დესპაბილიზაცია. აშკარაა, რომ კრემლი საინფორმაციო-დეზინფორმაციულ ომს აწარმოებს და დასავლეთის დაყოფას ცდილობს, განსაკუთრებით რუსეთის წინააღმდეგ დაწესებული სანქციების საქმეში.

ესპანელმა მინისტრებმა განაცხადეს, რომ კრემლს უკვე გაუგზავნეს შესაბამისი შეტყობინება აღმოჩენილი ფაქტების თაობაზე.