თბილისის საქალაქო სასამართლოში „ბანკი ქართუს“ საქმის განხილვა დასრულდა

სამართალი - 17:59, 10 Jul, 2013

681

პროცესი ოთხი საათის განმავლობაში მიმდინარეობდა და სამმა ბრალდებულმა, ჯაბა ებანოიძემ, გოჩა წილოსანმა და ნიკა ყუბანეიშვილმა თავი დამნაშავედ სცნეს.

ჯაბა ებანოიძემ და ნიკა ყუბანეიშვილმა "ბანკი ქართუს" გაკოტრების საქმეში თავი სრულად სცნეს დამნაშავედ. რაც შეეხება გოჩა წილოსანს ის ამ საქმეში ნაწილობრივ ცნობს თავს დამნაშავედ და ამბობს, რომ "ქართუ ბანკის" გაკოტრების სქმეში ის ჩათრეული იქნა.
დღევანდელ პროცესს ესწრებოდნენ ბიზნესმენი ლაურა ღაჭავა და დავით კოდუა, ლაურა ღაჭავა აღნიშნულ საქმეში თავს დამნაშავედ არ სცნობს და აცხადებს, რომ ზეწოლის მსხვერპლი გახდა.

აღნიშნულ საქმეში ბრალდებულია ძველი თბილისის გამგებელი, ნიკა მელიაც, რომელმაც სასამართლო პროცესის დასრულების შემდეგ ჟურნალისტებთან კომენტარი გააკეთა:

"ბრალს გვდებენ ორი მუხლით, ეს არის ქონების გადამალვა და უფლებამოსილების გადამეტება, დღეს დაიწყო წინასასამართლო სხდომა, პრემიერ-მინისტრის, ბიძინა ივანიშვილის საკუთრებაში არსებული ბანკის თაობაზე, ჩემს გარდა არის რამდენიმე ათეული ბრალდებული. მსურს ერთ რამეს გავუსვა ხაზი, სამართლიანობა იქ სადაც აღსადგენია, აუცილებლად უნდა აღდგეს, მაგრამ როდესაც იცი, რომ ერთ-ერთი მთავარი ფიგურანტი ამ საქმეში, რომელიც დღეს აუცილებლად ჩვენთან ერთად უნდა ყოფილიყო საბრალდებო სკამზე, არა თუ არ არის, საერთოდ არ ფიგურირებს საქმეში, პირიქით, არის დედაქალაქის საკრებულოს თავმჯდომარის ერთ-ერთი კანდიდატი "ქართული ოცნების" მხრიდან", - განაცხადა ძველი თბილისის გამგებელმა, ნიკა მელიამ.