ერაყის პროვინცია კირკუკში მასობრივი სამარხი აღმოაჩინეს, რომელშიც სულ მცირე 400 ადამიანია დაკრძალული. ქალაქს წლების განმავლობაში ტერორისტული დაჯგუფება "ისლამური სახელმწიფო" აკონტროლებდა და იგი გასულ თვეში იქნა განთავისუფლებული. მოკლულთა შორის არიან მშვიდობიანი მოქალაქეებიც.

საფლავი ყოფილი ავიაბაზის ტერიტორიაზე იპოვეს.

გასულ წელს Associated Press-მა გამოაქვეყნა ერაყში მასობრივი საფლავების შესახებ ანგარიში. ირკვევა, რომ ასეთ მასობრივ სამარხებში, შესაძლოა, ცხედრების რაოდენობა 15 ათასს აღწევდეს.