ავაკოვ-იაცენიუკის "სახალხო ფრონტი" პრეზიდენტ პოროშენკოს უფლებამოსილების შეკვეცას ითხოვს

მსოფლიო - 22:11, 11 Nov, 2017

3284

დღეს უკრაინაში, მმართველ კოალიციაში შემავალი პოლიტიკური პარტია "სახალხო" ფრონტის" ყრილობა გაიმართა.

ყრილობაზე "სახალხო პარტიის ლიდერები ახალი საკონსტიტუციო რეფორმის ინიციატივით გამოვიდნენ, რომლის თანახმადაც უკრაინის პრეზიდენტის უფლებამოსილება საგრძნობლად შეიკვეცება.

"ვთავაზობთ პრეზიდენტს, ჩვენს პარტნიორებს სახელისუფლო კოალიციაში, ასევე ოპოზიციურ პარტიებს, რომ ჩავატაროთ დიდი საკონსტიტუციო რეფორმა, შევკვეცოთ პრეზიდენტის უფლებამოსილებები, რათა ეს უფლებამოსილებები გაუთანაბრდეს პოლონეთისა და გერმანიის პრეზიდენტის უფლებამოსილებებს - იგი იყოს კონსტიტუციის დაცვის გარანტი, მაგრამ არ ერეოდეს აღმასრულებელი ხელისუფლების მუშაობაში," - აცხადებენ პარტიაში.

ყრილობაზე ასევე განაცხადეს, რომ ისინი სერიოზულ წარმატებებს გეგმავენ 2019 წლის საპრეზიდენტო და საპარლამენტო არჩევნებზე. პარტიამ უკანასკნელ ხანებში რეიტინგი საგრძნობლად დაკარგა, თუმცა მას სერიოზული გავლენა აქვს მმართველ კოალიციაში - პარტიის ლიდერი, უკრაინის ყოფილი პრემიერი 2014-16 წლებში, არსენი იაცენიუკია, რომელიც 2019 წლის არჩევნებზე პრეზიდენტობის კანდიდატად მოიაზრება, "სახალხო ფრონტის" წევრია შვილის დაპატიმრების გამო პრეზიდენტზე განაწყენებული შს მინისტრი არსენ ავაკოვი, რადას სპიკერი ანდრეი პარუბი და უშუშროების საბჭოს მდივანი ალექსანდრე ტურჩინოვი. ავაკოვის გარდა, მინისტრთა კაბინეტში პარტიის კიდევ ხუთი წევრტი შედის.