რუსეთის პრეზიდენტმა ვლადიმერ პუტინმა განაცხადა, რომ ვერაფრ დანაშაულს ვერ ხედავს იმაში, რომ აშშ-ს ვაჭრობის მინისტრს რუსეთთან კავშირები ჰქონდა.
"ის ადრე ბიზნესით იყო დაკავებული, მგონი მსოფლიო დონის შილინგური კომპანიის აქციონერი თუ მფლობელია. შესაძლოა, კონტრაქტებს აფორმებდა მსოფლიოს სხვადასხვა ქვეყნის გადამზიდავ კომპანიებთან. შესაძლოა კონტრაქტი რუს ბიზნესმენებთაბაც დადო. ეს პოლიტიკასთან არანაირ კავშირში არაა და არც არასდროს იქნება," - განაცხადა პუტინმა და დასძინა, რომ მინისტრის გვარი პირველად სულ ახლახანს გაიგო.
შეგახსენებთ, რომ 5 ნოემბერს, Süddeutsche Zeitung-ის მიერ გამოქვეყნებული Paradise Papers-ის არქივის მასალების თანახმად, აშშ-ს ვაჭრობის მინიტრს უილბურ როსს ბრალი დასდეს, რომ ოფშორული კომპანიების მეშვეობით იგი ფლობს კომპანია Navigator Holdings-ის აქციებს, რომელიც რუსული კორპორაცია «Сибур»-ისთვის ნავთობის ტრანსპორტირებას აწარმოებდა. აღსანიშნავია, რომ ამ კორპორაციის რამდენიმე მფლობელი აშშ-ს სანქციების სიაშია, ხოლო მის აქციებს პუტინის სიძეც ფლობს.
მასალის გამოყენების პირობები






