აშშ-ის ქალთა საფეხბურთო ნაკრების ყოფილმა მეკარემ ჰოუპ სოლომ FIFA-ს ყოფილი პრეზიდენტი იოზეფ ბლატერის სექსუალურ შევიწროებაში დაადანაშაულა.

The Guardian-ის ცნობით, შემთხვევა, 2013 წელს „ოქროს ბურთის“ გადაცემის ცერემონიაზე მოხდა.

ფეხბურთელი ამბობს, რომ სცენაზე გასვლის წინ ბლატერმა მას უკანალზე მოჰკიდა ხელი. მისი თქმით, ეს შოკი იყო, მაგრამ ცერემონია არ ჩააგდო. იოსებ ბლატერმა, რომელიც 81 წლისაა ამ ბრალდებას „უაზრო“ უწოდა.

ჰოუპ სოლო აშშ-ის ქალთა საფეხბურთო ნაკრების მეკარე 2000-2016 წლებში იყო. ის ორგზის ოლიმპიური ჩემპიონი და მსოფლიო ჩემპიონატის ოქროს, ვერცხლის და ბრინჯაოს მფლობელია.

მის სახელს სექსუალური ხასიათის სკანდალი უკავშირდება, როდესაც სხვა სელებრითებთან ერთად, ჰაკერების მიერ მოპარული მისი შიშველი სელფი ინტერნეტში გავრცელდა.

იოზეფ ბლატერი FIFA-ს 1998-2015 წლებში ხელმძღვანელობდა და თანამდებობა მას შემდეგ დატოვა, რაც ორგანიზაცია კორუფციასა და მსოფლიოს ჩემპიონატების მასპინძელი ქვეყნის გამოვლენის დროს ჩაწყობების სკანდალში გაეხვა.