ევროკომისია პუტინის ენერგოპროექტებს, "ჩრდილოეთის ნაკადებს" უტევს

მსოფლიო - 12:35, 10 Nov, 2017

2086

ევროკომისიამ საბოლოოდ გაარკვია თავისი დამოკიდებულება, არა მხოლოდ გაზსადენ „ჩრდილოეთ ნაკადი2“ -თან, არამედ უკვე არსებულ ბალტიისპირეთის გაზსადენთანაც, რომლითაც გაზის ტრანსპორტირება რუსეთიდან გერმანიისკენ ხდება.

ევროკომისიამ ევროკავშირის გაზის დირექტივების ცვლილებასთან დაკავშირებით ისეთი წინადადება შეიტანა, რომელმაც შესაძლოა ორივე პროექტს დაარტყას. ბრიუსელის სთავაზობს მესამე ენერგოპროექტის მოქმედების გაფართოებას ყველა გაზსადენზე, რომელიც ევროკავშირის ბუნებრივი გაზის ბაზარზე მესამე ქვეყნიდან შემოდის.

„ეს მოგვცემს გარანტიას, რომ ყველა მთავარი გაზსადები, რომელიც ევროკავშირის ტერიტორიაზე შემოდის , იქნება ევროკავშირის წესების შესაბამისი, მისი მართვა მოხდება გამჭვირვალედ და ეფექტურად და ხელმისაწვდომი იქნება სხვა ოპერატორებისთვისაც“- ნათქვამია ევროკომისიის ოფიციალურ შეტყობინებაში.

ევროკომისიის მიერ შეთავაზებული ცვლილებები ძალაში ევროპარლამენტის და ევროკავშირის საბჭოს მიერ დამტკიცების შემდეგ შევა.

„მოსალოდნელია რომ, ევროკავშირში გაზის იმპორტი, მოპოვებისა და მოხმარების შემცირების შედეგად, 2030 წლისთვის სტაბილური დარჩება. უკვე არსებული ინფრასტრუქტურის და თხევადი გაზის მოსალოდნელი კონკურენტუნარიანი მიწოდების გათვალისწინებით, 2020 წლის შემდეგ ევროკომია ახალი „ჩრდილოეთ ნაკადი2“-ის მასშტაბის ინფრასტრუქტურული პროექტების აუცილებლობას ვერ ხედავს“- ნათქვამია ევროკომისიის განცხადებაში.

უფრო მეტიც, ევროკომისიაში აცხადებენ, რომ გააგრძელებენ უკრაინის გავლით რუსული გაზის მიწოდების მხარდაჭერას.

„სამხრეთის გაზის დერეფანი“ აზერბაიჯანიდან - რუსული გაზის მიწოდების ალტერნატივაა და ევროკომისა აღიარებს, რომ ეს პროექტი „ჩრდილოეთ ნაკადი2“-ის მასშტაბებს შეესაბამება. „თუმცა ეს პროექტი წარმოადგენს გამონაკლისს გაზის დირექტივის 36-ე მუხლის შესაბამისად. ამიტომ მასზე ახალი ცვლილებები არ გავრცელდება“- აცხადებენ ევროკომისიაში.

ექსპერტების მოსაზრებით შექმნილ სიტუაციაში „გაზპრომს“ რამდენიმე ვარიანტი აქვს: დაჯდეს ევროკომისიასთან მოლაპარაკებების მაგიდასთან ან დაელოდოს ევროკავშირის საბჭოს გადაწყვეტილებას და ევროპული პოლიტიკის ცვლილებას 2019 წლისთვის, როდესაც გაზსადენი აშენდება.

ექსპერტების თქმით მესამე ენერგოპროექტი კონკურენციის განვითარებას უწყობს ხელს , თუმცა რუსული გაზსადენის შემთხვევაში ის, ისე არ გამოიყენება როგორც საჭიროა, რადგან რუსეთიდან გაზის ექსპორტი მხოლოდ „გაზპრომისთვისაა“ ნებადართული.