2013 წლის 27 ოქტომბრის საპრეზიდენტო არჩევნების წინასაარჩევნო კამპანიის მიმდინარეობისას, ე.წ. Must Carry-ს პრინციპის რეალიზაციასთან დაკავშირებით, საქართველოს კომუნიკაციების ეროვნული კომისია საერთო მაუწყებლობის ლიცენზიის მფლობელთა და მაუწყებლობის ტრანზიტზე ავტორიზებული პირების (საკაბელო ოპერატორების) სიას და ასევე, ამ კომპანიების შესახებ დეტალურ ინფორმაციას აქვეყნებს.

საერთო მაუწყებლობის ლიცენზიის მფლობელთა და მაუწყებლობის ტრანზიტზე ავტორიზებული პირების შესახებ დეტალური ინფორმაცია, კომპანიის სახელწოდება, მისამართი, ტელეფონი, მომსახურების მიწოდების გეოგრაფიული არეალი, ხელმისწვდომია კომისიის ოფიციალურ ვებ გვერდზე (www.gncc.ge) და ასევე, სოციალურ ქსელ " Fაცებოოკ"-ის კომისიის გვერდზე (www.facebook.com/pages/კომუნიკაციების-ეროვნული-კომისია).
შენიშვნა: საერთო მაუწყებლობის ლიცენზიის მფლობელთა სიაში ისეთი სამაუწყებლო კომპანიების შესახებაც არის ინფორმაცია გამოქვეყნებული, რომლებზეც სამაუწყებლო ლიცენზია სულ რამდენიმე დღის ან თვის წინ გაიცა და კომპანიას ჯერ მაუწყებლობა არ დაუწყია.